Sunday, November 19, 2017

नेपाल र चीनबीच तीन सम्झौतामा हस्ताक्षर, इन्धनको अन्वेषणमा सघाउने

प्रकाशित मिति: 2017/08/15

साउन ३१, काठमाडौं । नेपाल–चीन उपप्रधानमन्त्रीस्तरीय वार्ता आज सोल्टी होटलमा सम्पन्न भएको छ। नेपाल भ्रमणमा रहेका चीनको राज्यपरिषद्का उपप्रधानमन्त्री वाङ याङले चिनियाँ प्रतिनिधिमण्डलको नेतृत्व गरेका छन् भने नेपालको प्रतिनिधित्व उपप्रधानमन्त्री विजयकुमार गच्‍छदारले गरेका छन्। 

वार्तामा उपप्रधानमन्त्री कृष्णबहादुर महरा, अर्थमन्त्री ज्ञानेन्द्रबहादुर कार्की, स्वास्थ्यमन्त्री गिरिराजमणि पोखरेल, संस्कृति, पर्यटन तथा नागरिक उड्डयनमन्त्री जीतेन्द्रनारायण देव र सम्बन्धित मन्त्रालयका सचिव सहभागी छन्। लगानी बोर्ड, राष्ट्रिय योजना आयोग, राष्ट्रिय पुनःनिर्माण प्राधिकरणका सचिव पनि वार्तामा सहभागी छन्। 

चीन सरकारले बाढीपहिरोका कारण नेपालमा भएको जनधनको क्षतिप्रति दुःख व्यक्त गर्दै आपत्कालीन सहायतास्वरुप १० लाख अमेरिकी डलर नगद उपलब्ध गराउने घोषणा गरेको छ । 

पेट्रोलियम पदार्थ, ग्यास र खानी अन्वेषणका लागि चीनले सर्वेक्षण गर्नेसम्बन्धी समझदारीपत्रमा पनि आज हस्ताक्षर भयो । त्यसैगरी नेपालमा चिनियाँ लगानी भित्र्याउनेसम्बन्धी समझदारीपत्रमा समेत हस्ताक्षर भएको छ। 

तपाईंको बिचार