Friday, October 18, 2019

अब ठूला उद्योगलाई विशेष सुविधा

प्रकाशित मिति: 2019/01/25

हेटौडा । हेटौंडा औद्योगिक क्षेत्रमा रहेका १४० उद्योगलाई ठूला ग्राहकको रूपमा राखेर विशेष सेवा शुरु गरेको नेपाल विद्युत् प्राधिकरण विद्युुत् वितरण केन्द्रको कार्यालय हेटौँडाले जनाएको छ ।
उक्त कार्यलयले उद्योगहरूको रिमोट मिटर रिडिङ गर्ने गरेको र रिमोट मिटर रिडिङका लागि आवश्यक तयारी पूरा गरेर बिल भुक्तानी समेत शुरु गरेको बताइएको छ । सिम कार्डको आधारमा सिम कार्डलाई नेटसँग जोडेर रिमोट मिटर रिडिङ हुने गरेको छ ।
उक्त प्रणालीको जडानले मिटर रिडिङका लागि उद्योगमा धाउन नपर्ने बताइएको छ । पहिला लोडसेडिङको समस्या थियो तर अहिले त्योे पूर्णरुपमा हटेको छ । प्राधिकरणको सेवालाई गुणस्तरीय र प्रभावकारी बनाउने अभियानमा लागेको कार्यलय प्रमुख शम्भु कुसियतले बताए । विद्युत् महसुलवापत मासिक रु १७ करोड राजश्व सङ्कलन गरिरहेको कार्यालयले आफ्नो सेवालाई ग्राहकमुखी एवं प्रविधिमैत्री बनाउँदै लगेको प्रमुख कुसियतको भनाइ छ ।
उनका अनुसार निवेदन दिएलगत्तै विद्युत् मिटर जडान भइरहेको र पछिल्लो समय ई–सेवाबाट बिल भुक्तानीको व्यवस्था भए पनि हाल (एनइए) नामक मोबाइल एप्स सञ्चालनमा ल्याइएको छ ।
उक्त एप्स डाउनलोड गरी विद्युत् प्राधिकरणको सम्बन्धमा जानकारी प्राप्त गर्न सकिने छ । सो कार्यालयअन्तर्गत ५३ हजार विद्युत् ग्राहक रहेका छन् । कार्यालयमा ई–सेवामार्फत मासिक चार हजार ग्राहकले बिल भुक्तानी गरिरहेका छन् ।

तपाईंको बिचार