Sunday, December 17, 2017

डा. गोबिन्द केसीको समर्थनमा चिकित्सकहरुले भोलीबाट इमर्जेन्सीबाहेक अन्यत्र काम नगर्ने

प्रकाशित मिति: 2016/10/03

असोज १७, काठमाडौं । त्रिवि चिकित्साशास्त्र अध्ययन संस्थान (आईओएम)का आवासीय चिकित्सकहरुले अनसनरत डा. गोविन्द केसीको समर्थनमा मंगलबारबाट ओपीडी लगायतमा काम नगर्ने भएका छन् ।
आकस्मिक र शल्यक्रियामा भने काम जारी राख्नेछन् । डा. केसीको माग सम्बोधन गर्न सरकारले कुनै चासो नदिएको नेशनल रेसिडेन्ट डक्टर्स एशोसिएसनले जनाएको छ ।
एशोसिएसनका अनुसार आईओएमका आवासीय चिकित्सकहरु आइतबारदेखि नै पठनपाठनमा सहभागी भएका छैनन् ।
मंगलबारबाट शैक्षिक कार्यक्रम अन्र्तगतका अपरेशन (ओटी) र इमर्जेन्सी बाहेकका काममा सहभागी नहुने उसले बताएको छ । एशोसिएसनले डा. केसीको मागमा आफ्नो समर्थन र ऐक्यवद्धता रहेको भन्दै माग पूरा गर्न सरकारसँग माग समेत गरेको छ ।

 

तपाईंको बिचार