Monday, May 1, 2017  |    

समयमै निर्वाचन गर्न प्रयासरत छौँ

प्रकाशित मिति: 2015/08/30
कुलबहादुर गुरुङ, द्धितीय उपाध्यक्ष, ट्रेकिङ एजेन्सिज एसोसियसन अफ नेपाल (टान)
कुलबहादुर गुरुङ, द्धितीय उपाध्यक्ष, ट्रेकिङ एजेन्सिज एसोसियसन अफ नेपाल (टान)

कुलबहादुर गुरुङ  ट्रेकिङ एजेन्सिज एसोसियसन अफ नेपाल (टान)को वर्तमान द्धितीय उपाध्यक्ष हुनुहुन्छ । टानको वर्तमान कार्यकाल सकिन लागेको तर, नयाँ कार्यकालका लागि निर्वाचन घोषणा हुन नसकेकोलगायतका संस्थागत तथा समसामयीक विषयमा गन्तब्य नेपाल न्यूजले गरेको संवाद प्रस्तुत छ :

टानको कार्यसमिति संस्थाको निर्वाचन पर सार्ने मनस्थितिमा छ भन्ने कुरा आएको छ, यस्मा तपाइँको संस्थागत धारणा के छ ?
यो गलत छ । 
हामी गर्नुपर्ने कार्य र जिम्मेवारीहरुमा अत्यन्त सचेत छौँ । समयमै निर्वाचन सम्पन्न गर्नुपर्नेमा पनि वर्तमान कार्यसमिति एक छ । यसका लागि कामहरु भैरहेका छन् । तथापी, यसका बारेमा आधिकारीक धारणा चाँडै नै बस्न गईरहेको कार्यसमिति बैठकले सार्वजनिक गर्नेछ । 
संस्थाको आन्तरिक कामहरु तिव्र गतिमा अगाडी बढिरहेको छ । अहिले संस्थाका आन्तरिक मामिलाहरुलाई मिलाउने सवालमा कामहरु भैरहेका छन् । तसर्थ सेप्टेम्बर अन्तिम साता नै निर्वाचन सम्पन्न गर्नेगरी हामी प्रयासरत छौँ । परिस्थितिवस् केही समय पर गयो भने पनि अन्यथा नमानौँ । यस मामिलामा यो कार्यसमितिले केही लाभ लिनु छैन् । उसो त पर्यटकीय सिजन पनि आईसकेको छ, पर्यटकीय संघसंस्था र व्यवसायी, मजदुरहरुका लागि यो महत्वपूर्ण समय भएकाले यस्तो अवस्थामा न नयाँ कार्यसमिति नत पुरानैले पनि खास काम गर्न सक्छन् । 
टानले पर्यटन प्रवद्र्धनका लागि काम गर्न सकेन भन्ने आरोप तपाइँहरुमाथी लाग्दै आएको छ, के टानले आफ्नो कार्य क्षेत्र विर्सिएको हो ?
होईन, हामी हाम्रो जिम्मेवारीबाट च्यूत भएका छैनौँ । भूकम्पपछाडी हामीले भूकम्प पीडित र प्रभावित क्षेत्रमा गएर राहत र उद्दारका कामहरु सम्पन्न गर्‍यौ  जहाँसम्म पर्यटन प्रवद्र्धनको क्षेत्रमा टानले काम गर्न सकेन भन्ने आरोप छ, यसमा दुई महिना त प्रभावित क्षेत्रमा काम गर्न सक्ने अवस्था नै थिएन, त्यसपश्चात त हामी निरन्तर पर्यटन पुनरुत्थानका लागि काम गरिरहेकै छौँ । विभिन्न मुलुक र दातृ निकायहरुबाट प्राप्त सहयोगहरुलाई प्रभावी क्षेत्रमा पुर्‍यउने तथा सोकार्य सम्पन्न गर्नका लागि पर्यटन मजदुरहरुलाई अधिकतम परिचालन गर्‍यौ ताकि यसबाट उनिहरुले लाभ पाउन । 
हामी पर्यटन पुनरुत्थानका लागि निरन्तर रुपमा लागि नै रहेका छौँ । यसक्रममा म आफैँ भर्खर रुबी भ्यालीबाट फर्केको छु, हामीले त्यस क्षेत्रको ‘एसेस्मेन्ट’ गरेर फर्केका छौँ, यसको विस्तृत प्रतिवेदन आउन बाँकी छ । मनास्लु र सोलुखुम्बुको ‘लोअर भ्याली’ को अवस्थिति र आवश्यक कामहरु सम्पन्न गर्नका लागि त्यतातिर पनि जान लाईरहेका छौँ, लाङटाङ क्षेत्रको अवस्थितिको बारेमा पनि अध्ययन भएको छ । प्रभावित क्षेत्रलाई साविककै अवस्थामा फर्काउनका लागि स्थानियसमेतको सहभागितामा काम सम्पन्न गर्न र सरकारी सहयोग जुटाउनका लागि प्रयत्न गरिरहेका छौँ ।  
हामी आराम गरिरहेका छैनौँ । पर्यटन प्रवद्र्धनका लागि गर्नसक्ने हदमा गतिविधि गरिरहेका छौँ, हामीले ‘मिडियावाजी’ नगरेकोमात्र हो । 
पछिल्लो समय पर्यटन बोर्डसँग टानको सम्बन्ध चिसिएको कुरा आएका छन्, के खटपट भएको हो, बोर्डसँग ?
पर्यटन बोर्डसँग टानको सम्बन्ध सुमधुर छ । 
हामीले संयुक्त पर्यटन समन्वय समिति (जेटीसीसी) मार्फत एक समय पर्यटन बोर्डमा आन्दोलन  । यसले प्रभाव सृजना गरिसकेको छ । र हामीले पनि हामीबाट भएका केही कमजोरीहरुलाई सच्याउन लागिरहेका छौँ । पर्यटन क्षेत्रमा प्रभावी कुनै एकले अर्कालाई ‘बाईपास’ गरेर जान सक्ने अवस्था छैन् । एकापसमा मिलेर आगाडी बढनुपर्ने अहिलेको आवश्यकता हो । यहि मार्गमा हामी लागिरहेका छौँ । हाम्रो सम्बन्ध राम्रो छ । 
टानमा भ्रष्टाचार र आर्थिक अनियमितताका कुराहरु यदाकदा उठने गर्छ, सो विषयलाई संस्थाको निर्वाचन मिति अहिलेसम्म नतोक्नुसँग पनि जोडेर हरिएको छ यसप्रति तपाइँको जवाफ के छ ?
हामी पारदर्शी छौँ । हामी विधि र पद्धतीअनुरुप नै काम गरिरहेका छौँ । स्वयंसेवीको रुपमा हामी कार्यसमितिमा आवद्ध सदस्यहरु दिनरात खटेका छौँ । यसलाई नदेख्नु /नबुझ्नु आरोप लगाउनेहरु कै कमजोरी हो । हामी जनि पनि संस्थामा आवद्ध छौँ, भ्रष्टाचार गर्नुपर्ने अपचलन गर्नुपर्ने आवश्यकता छैन्, हामी आफैँ सक्षम छौँ । वर्तमान कार्यसमितिले धेरै राम्रा कामहरु गरेको छ, यो सफल टीम हो । 
हाल टानको द्धितीय उपाध्यक्ष हुनुहुन्छ र भावी नेतृत्वमा इच्छा जाहेर गरिरहँदा निर्वाचनको विषयमा बजारमा देखिएका गतिविधि÷क्रियाकलापहरुलाई कसरी हेर्नुभएको छ नि !
टानको भावी नेतृत्वका लागि जति पनि साथीहरुले इच्छा प्रकट गर्नुभएको छ, यो उहाँहरुको अधिकार हो । यहाँ कुनै अस्वभाविक कुरा छैन् । तर केही हतारोपन पक्कै देखिन्छ । निर्वाचनकै विषयलाई अतिरञ्जित गरेर भड्किलो, खर्चिलो बनाउने हिसावले अनावश्यक गतिविधि र क्रियाकलाप गलत छ । 
जहाँसम्म मैले भावी नेतृत्वमा इच्छा जाहेर गरेको कुरा छ, म विगत झण्डै अढाई दशकदेखि पर्यटन क्षेत्रमा आवद्ध छु, एक दशकभन्दा बढी समयदेखि टानमा आवद्ध छु र यो कार्यसमितिमा पनि सर्वाधिक मतले द्धितीय उपाध्यक्षमा चुनिएर आएको हुँ । आफ्ना काम, कर्तव्य र जिम्मेवारी इमान्दार ढंगले सम्पन्न गर्दै आएको छु । यस हिसावले म यो मानेमा इच्छुक छु कि संस्थाले र समग्र पर्यटन क्षेत्रले मेरो आवश्यकता महसुस गरेको खण्डमा म नेतृत्व लिन तयार छु, तर म उम्मेदवारी घोषणा गर्दैचाँहि हिँडदिन । 
अन्तमा, जेटीसीसीको विषयले पर्यटन क्षेत्रमा दुईखाले कित्ता निर्माण गरेको छ, एकथरी यसको पक्ष अर्को विपक्षमा उभिएका छन्, यो विषय खास के हो ?
पर्यटन व्यवासयीहरुलाई एक बनाई समग्र पर्यटन क्षेत्रको विकासका लागि भनेर स्थापित संस्था हो, जेटीसीसी । कुनै समय यहि संस्थामार्फत एक भएका व्यवायी साथीहरुविच फाटो आएको छ, केही संस्था र व्यवसायीहरु बाहिरिनु भएको छ । 
प्रत्येककोे आ–आफ्नो बुझाई हुन्छ, उहाँहरुको पनि आफ्नै बुझाई होलान्, यसबारेमा म केही भन्न चाहन्न । अहिलेसम्म जे–जे भयो, अव सबैले आफ्ना  गल्ती÷कमजोरी स्विकारौँ । गल्ती सुधारेर अगाडी बढनुपर्छ । 
तर, म जेटीसीसीप्रति सन्तुष्ट छु । 

 

तपाईंको बिचार