Saturday, October 19, 2019

टुर गाईडको भविश्य राम्रो छ, कार्यकारी ढकाल भन्छन– बाटोमा सजिएर हिडेको देख्या छु

प्रकाशित मिति: 2019/03/19

नेपाल पर्यटन तथा होटल व्यवस्थापन प्रतिष्ठान (नाथम) पर्यटन क्षेत्रमा एक अग्रणी संस्थाको रुपमा रहेको छ । बिशेषतः होटल,पर्यटन तालिम तथा शिक्षाका लागि सरकारी क्षेत्रको नेतृत्व गर्दै आएको नाथमले सरकारी तथा सामुदायिक बिद्यालयमा अध्ययनरत बिद्यार्थीहरुमध्येबाट गरिब तथा जेहन्दार बिद्यार्थीहरुलाई छात्रबृत्तिका कार्यक्रम सञ्चालन गर्दै आएको भएपनि स्वरोजगारको माध्यम तालिम कार्यक्रममा भने कुनैपनि ईन्सेन्टिभ प्रदान गरिएको छैन । यधपी पर्यटन सम्बद्ध टुर गाईड र होटल तालिमको लागि नाथमको  बिकल्प छैन । नाथम के हो र यसले के गरिरहेको छ, र आगामी कार्यनिती के कस्ता भनि हामीले बुझ्ने कोशिस गरेका छौ ।

प्रश्तुत छ, नेपाल पर्यटन तथा होटल व्यवसाय प्रतिष्ठानका प्रमुख कार्यकारी निर्देशक दुर्गादत्त ढकालसँगका केही संबाद ।

१. नाथमले अहिले के गरिरहेको  छ ?
पर्यटन उद्योगको लागि आवश्यक पर्ने जनशक्ति उत्पादन गर्दै आएका छौ । यो सरकारद्धारा सञ्चालित एकमात्र पर्यटन तथा होटल तालिम केन्द्रको नेतृत्व संस्थाको रुपमा रहेको छ । यसका साथै बिश्वबिद्यालय तहमा ट्राभल एण्ड टुरिजम तथा होटल म्यानेजमेन्टका कोर्षहरुको बिस्तार तथा अध्यापनका लागि स्वीकृति दिने काम गरिरहेको छ । आर्थिक बर्ष २०७५÷७६ मा होटल तथा पर्यटन क्षेत्रमा ५ हजार जनशक्ति उत्पादन गर्नेगरी अगाडि बढेका छौ भने शैक्षिक कार्यक्रम तर्फ ४६० जना जनशक्ति यसै आर्थिक बर्षभित्र बजारमा आउनेछन ।

२. सरकारी क्षेत्रको एकमात्र सम्बन्धन दिने आधिकारिक संस्था भएर पनि यसअन्र्तगका शिक्षा तथा तालिम खर्चका हिसावले आम जनताको पहुँचभन्दा परको बिषय छ, यसमा यहाँहरुको ध्यान खै ?
नेपालमा सञ्चालनमा रहेका अन्य प्राबिधीक पाठ्यक्रम भन्दा महंगो छैन । निजीमा पढ्दा स्वभाविक रुपमा खर्च बढ्छ नै । यस्तोमा सामुदायिक बिद्यालयमा अध्ययन गरेर होटल तथा पर्यटन बिषय अध्ययन गर्न चाहनेलाई ५० प्रतिशत सम्म मेरिट प्रणालीमा आधारित भएर छात्रबृत्ति उपलब्ध गराएका छौ । यद्यपी पर्यटन  क्षेत्र सम्बद्ध टुरगाईड तथा होटल तालिम क्षेत्रमा भने छात्रबृत्तिका कार्यक्रम अहिलेसम्म व्यवस्था छैन ।

३. टुरिष्ट गाईडको तालिम तथा प्रमाणपत्र लिनको लागि नाथमको बिकल्प छैन, यस्तोमा उनीहरुको स्थीति कस्तो छ ?
जति पनि पर्यटन क्षेत्रमा सम्बद्ध टुरिष्ट गाईडहरु छन, उनीहरु सबैले राम्रोसँग जिबीकोपार्जन गर्न सफल छन ।

४. उनीहरुको रोजगारीको सर्बेक्षण गर्नुभएको छ ?
औपचारिक रुपमा सर्बेक्षण नभएपनि हामीले बुझेसम्म तालिम  पश्चात उनीहरुको जिबनस्तर राम्रै पाएका छौ । यसो बाटोमा कहिलेकाही भेट्दा पनि नयाँ लुगा लगाएर मुसुक्क हाँस्दै हिडेको मैले पाएको छु । यस्तोमा जिबनस्तर धान्न पुग्ने  पैसा कमाएकै हुनुपर्छ । नत्र त पलायन हुने थिए । पर्यटन क्षेत्र सिजनल पेशा पनि हो । टुरिष्ट आउँदा पैसा कमाई धेरै हुन्छ, नआउँदा हुँदैन ।

५. आगामी कार्ययोजना के छ ?
 नाथमलाई पर्यटन बिश्वबिधालयका रुपमा बिकास गरी ७ वटै प्रदेशमा लैजाने गरी काम सुरु भईरहेको छ । यसका लागि हामी निरन्तर कर्ममा छौ । छिट्टै रिजल्ट पाउनुहुनेछ ।

तपाईंको बिचार