Saturday, September 21, 2019

४७ वर्षपछि बोइङ बेच्ने तयारीमा निगम

प्रकाशित मिति: 2019/06/19

४ असार, काठमाडौं । नेपाल वायुसेवा निगमले तीन दशकसम्म निरन्तर उडाएको बोइङ ७५७ जहाज बिक्रीको तयारी गरिरहेको छ । सम्भवतः यसै साता निस्कने बोलपत्र आह्वानसँगै निगमको स्वामित्वमा रहेको बोइङ बिक्रीका लागि जानेछ ।

निगमका प्रवक्ता नवराज कोइरालाका अनुसार प्राविधिक समितिको मूल्यांकनबाट अब व्यावसायिक उडानमा उपयुक्त नहुने देखिएपछि बोइङ बेच्न लागिएको हो । गत फेब्रुअरीदेखि त्रिभुवन विमानस्थलमै ग्राउण्डेड यो जहाज निगमले मर्मत गरेर उडाउनुभन्दा बेच्दा फाइदा हुने निष्कर्ष समितिको छ । दुई वर्ष अगाडि निगमले पहिलो बोइङ ७५७ बिक्री गरेको थियो ।
अमेरिकी जहाज निर्माता कम्पनी बोइङको यस जहाजलाई नेवानिका कर्मचारी नेपाल एयरलाइन्सलाई ‘फापेको’ जहाज मान्छन् । यही जहाज लिएर नेपाल वायुसेवा निगम युरोप र एसियाका धेरै गन्तब्यमा उडेको छ ।

तपाईंको बिचार