Thursday, July 18, 2019

सञ्चारमन्त्रीको कटाक्ष :ओस्कार नेपालमा भयो भने ४ अर्ब खर्च गर्ने की नगर्ने ?

प्रकाशित मिति: 2019/07/02

१७ असार, काठमाडौं । सञ्चारमन्त्री गोकुल बास्कोटाले आइफा अवार्डमा सरकारले घाटाको ब्यापार नगर्ने बताएका छन् ।

संसदको विकास समितिको बैठकमा मन्त्री बास्कोटाले अहिलेसम्म अवार्ड गर्न सैद्धान्तिक सहमति मात्र दिइएको बताए । बाँकी विषय छलफलमै रहेको उनले बताए ।

सरकारले ४४ करोड दिन लागेको चर्चा रहेको भन्दै उनले भने, ‘एउटा टेन्ट नै उनीहरुले ५६ करोडको राख्दैछन् । यदि ४४ करोड नै दिइहाल्यो पनि पनि पुग्दैन ।’ विश्व चलचित्रको दोस्रो ठूलो बजार बलिउडका मानिसहरु आउँदा सुरक्षा लगायतका विषयलाई सम्बोधन गर्नु स्वभाविक भएको उनले बताए ।

यो एउटा इभेन्ट हो, जुन नेपालमा भरहेको छ भनेर विश्वभरका ५०÷६० करोड मान्छेले हेरे भने हामीप्रतिको जिज्ञाशा बढ्न सक्ने उनले बताए ।
मन्त्री बास्कोटाले आईफाको विज्ञापन लगायतको विषय अझै टुंगिन बाँकी रहेको बताए । अन्तराष्ट्रिय अवार्डहरु नेपालमा गर्दा अर्बौ खर्च गर्दा पनि नहुने ब्राण्डिङ पाइने उनले बताए ।
उनले भने, ‘हलिउड नै यहाँ आउछु भन्यो भने के हुन्छ ? अचम्म हुन्छ । ओस्कार अवार्ड नेपालमा गर्ने, खुम्बुबाट गर्ने भन्यो भने दुई चार अर्ब नै खर्च भएछ पनि भने पैसामा जोख्ने विषय हुँदैन । 

तपाईंको बिचार