Saturday, September 21, 2019

वरिष्ठ साहित्यकार मदनमणि दीक्षित रहेनन्

प्रकाशित मिति: 2019/08/15

साउन ३०, काठमाडौं । वरिष्ठ साहित्‍यकार मदनमणि दीक्षितको निधन भएको छ। पत्रकार कनकमणि दीक्षितले बिहीबार बिहान दीक्षितको निधन भएको ट्‍विटरमा लेखेका छन्। उनलाई अन्तिम श्रद्धाञ्जलीका लागि कालिकास्थानस्थित घरमा राखिने उनले लेखेका छन्। उनी ९७ वर्षका थिए। 

दीक्षितले माधवी उपन्यासका लागि २०३९ सालको मदन पुरस्कार प्राप्त गरेका थिए। यही साल यो कृतिले साझा पुरस्कारसमेत पाएको थियो। 

२०१४ सालदेखि पत्रकारिता थालेका मदनमणि दीक्षितले ३९ वर्षसम्म सक्रिय पत्रकारितामा आफूलाई भिजाए । उनको सम्पादनमा प्रकाशित ‘समीक्षा’ पञ्चायतकालभरि शासकहरूको बक्रदृष्टिमा परेको थियो ।  

उनको पहिलो रचना कसले जित्यो कसले हार्‍यो कथा  वि.सं. २०१९ मा रूपरेखा मा प्रकाशित भएको थियो। उपन्यास, कथासंग्रह, संस्मरण, निबन्ध जस्ता उनका थुप्रै कृति प्रकाशित छन्।

उनका मुख्य कृतिमा माधवी (उपन्यास, २०३९), चरैवेति (निबन्ध संग्रह,२०४४), त्यो युग (निबन्ध संग्रह, २०४७), हाम्रा ती दिन (निबन्ध, २०२९),  म रुँदै बिर्सन्छु (संस्मरण, २०२७) हुन्।

दीक्षितका श्रीमती, तीन छोरा र एक छोरी छन्। 

तपाईंको बिचार