Thursday, March 23, 2017  |    

संशोधन प्रस्ताव फिर्ताको माग गर्दै युवा विद्यार्थीद्धारा बालुवाटारमा प्रदर्शन

प्रकाशित मिति: 2016/12/07

मंसिर २२,काठमाण्डौ । संयुक्त युवा विद्यार्थीले संविधान संशोधन प्रस्ताव फिर्ताको माग गर्दै प्रधानमन्त्री निवास बालुवाटार अगाडि प्रदर्शन गरेका छन् ।
उनीहरुले संशोधन प्रस्तावले देशलाई विखण्डनतिर लैजान थालेको भन्दै बुधबार बिहान प्रधानमन्त्री पुष्पकमल दाहाललाई संशोधन फिर्ताको माग गर्दै प्रदर्शन गरेका हुन् । ‘देश टुक्र्याउन पाइँदैन, संशोधन प्रस्ताव मान्दैनौँ’, ‘राष्ट्रघाती षड्यन्त्रको भण्डाफोर गरौँ’ भन्ने नारा लगाउँदै प्रदर्शन गरेका छन् ।
प्रदर्शनपछि आयोजित कोणसभामा युवा संघ नेपालका उपाध्यक्ष रमेश पौडेल, अनेरास्ववियुका उपाध्यक्ष महेश बर्तौला लगायतले सम्बोधन गर्दै संशोधन प्रस्तावले देशलाई विखण्डनतिर लैजाने भएकाले फिर्ता गर्न माग गरेका थिए ।

प्रदर्शनमा विपक्षी दलका भ्रातृ सङ्गठन, युवा संघ नेपाल, अनेरास्ववियु, नेपाल क्रान्तिकारी विद्यार्थी सङ्गठन, प्रगतिशील युवा संघ, अखिल नेपाल युवक संघ तथा अखिल छैटौँको सहभागिता रहेको थियो ।
सरकारले संविधान संशोधन प्रस्ताव दर्ता गरेसँगै संयुक्त युवा विद्यार्थीले फिर्ताको माग गर्दै प्रदर्शन गर्दै आएका छन् ।

 

तपाईंको बिचार