Monday, April 24, 2017  |    

ओलीले अमेरिकी राजदुतलाई भने,– संसोधन नेपालको आन्तरीक मामिला हो

प्रकाशित मिति: 2016/12/20

पुस ५, काठमाडौं । नेपालका लागि अमेरिकी राजदूत अलाइना बी टेप्लिजले प्रमुख प्रतिपक्ष दलका नेता एमाले अध्यक्ष केपी ओलीलाई भेटेर संविधान संशोधन प्रस्तावको विरोध गर्नुपर्ने कारणबारे चासो राखेकी छन् । 

ओलीले यो नेपालको आन्तरिक विषय भएको भन्दै अनावश्यक चासो नदिन ध्यानाकर्षण गराएका छन् ।
सरकारले ल्याएको संविधान संशोधन प्रस्तावको विरोध भइरहेका बेला राजदूत टेप्लिज मंगलबार ओलीलाई भेट्न सिंहदरबारस्थित एमाले संसदीय दलको कार्यालयमा पुगेकी थिइन् । भेटमा राजदूत टेप्लिजले संविधान संशोधन प्रस्तावको विरोधमा संसद अवरुद्ध भइरहेकोतर्फ अध्यक्ष ओलीको ध्यानाकर्षण गराएको भेटपछि एमाले संसदीय दलका उपनेता सुवास नेम्वाङले जानकारी दिए ।
राजदूतले संविधान संशोधन प्रस्तावको विरोध गर्नुको कारणबारे चासो व्यक्त गरेको भेटमा सहभागी एमाले संसदीय दलका उपनेता सुवास नेम्वाङले जानकारी दिए । उनका अनुसार नेपालको समस्या नेपालीहरुले नै मिलेर समाधान गर्न समक्ष रहेकोतर्फ ओलीले राजदूत टेप्लिजलाई सचेत गराएका थिए ।

तपाईंको बिचार