Wednesday, April 26, 2017  |    

विद्युत् चोरीको अभियोगमा १६ जना पक्राउ

प्रकाशित मिति: 2016/12/20

पुस ५, काठमाण्डौ । नेपाल विद्युत् प्राधिकरण अनारमनी वितरण केन्द्रले विद्युत् चोरीको अभियोगमा १६ जनालाई पक्राउ गरेको छ ।

मंगलबार प्राधिकरण र प्रहरीको संयुक्त टोलीले गरामनीको खोपवाडी र विरानटोलबाट सो अभियोगमा संलग्न व्यक्तिलाई पक्राउ गरेको केन्द्र प्रमुख तथा प्रमुख इन्जिनियर राजीवकुमार सिंहले जानकारी दिए । 
पक्राउ परेका सबैलाई अहिले इलाका प्रहरी कार्यालय अनारमनीमा राखिएको छ ।
विद्युत् नचोर्न पटक पटक सार्वजनिक सूचना जारी गरे पनि सूचनाको अवज्ञा गरेपछि बाध्य भएर चोरीमा संलग्नलाई पक्राउ गर्नुपरेको उनको भनाइ छ । पछिल्लो तीन महिनदेखि चोरीमा संलग्न हुनेहरुलाई विद्युतीय सामग्री जफत गर्दै सम्झाएर छाडिएको थियो तर पटक पटक सम्झाउँदा पनि अटेर गर्दै विद्युत् चोरीबाट राईसमिल, समिल, अठो मोवाइल, वर्कसपजस्ता कारखाना समेत चलाएको पाइएपछि बाध्य भएर त्यस्ता व्यक्तिलाई कारबाही गर्ने अभियान चलाइएको केन्द्र प्रमुख सिंहको भनाइ छ । पक्राउ परेका सबैलाई विद्युत् चुहावट नियन्त्रण ऐनअन्तर्गत कारबाही अघि बढाइने कार्यालयले जनाएको छ । 

 

तपाईंको बिचार