Monday, December 11, 2017

चुनावलाई लक्षित गरी नेपाल भारत सिमामा एसएसबीसँग मिलेर संयुक्त गस्ती

प्रकाशित मिति: 2017/03/29

चैत १६, वीरगन्ज । स्थानीय तहको निर्वाचनलाई मध्यनजर गर्दै भारतीय सीमा क्षेत्रसँग जोडिएका मध्य तराईका विभिन्न नाकामा सशस्त्र प्रहरीले उच्च सतर्कता अपनाएको छ ।

आउँदो वैशाख ३१ गते हुने स्थानीय तहकोे निर्वाचनलाई स्वच्छ, निष्पक्ष र शान्तिपूर्ण तरिकाले सम्पन्न गराउनका लागि मध्य तराईका बारा, पर्सा, रौतहट, सर्लाही, महोत्तरी र धनुषा जिल्लाका सीमावर्ती क्षेत्रमा सशस्त्र प्रहरीले उच्च सुरक्षा व्यवस्था अपनाएको हो ।
त्यस क्षेत्रमा आपराधिक क्रियाकलाप हुन नदिन सशस्त्र प्रहरीले व्यापक रुपमा गस्ती, चेकजाँच र पेट्रोलिङ गर्ने काम सुरु गरिएको मध्यमाञ्चलका सशस्त्र प्रहरी नायब महानीरिक्षक नरेन्द्रकुमार सिंहले बताए ।

नायब महानीरिक्षक सिंहले निर्वाचन शान्तिपूर्ण बनाउने सवालमा धेरै चुनौती रहे पनि सुरक्षा संवेदनशीलतालाई ध्यानमा राखेर सीमावर्ती क्षेत्रमा कुनै पनि आपराधिक गतिविधि हुन नदिन उच्च सुरक्षा सतर्कता अपनाउन मातहतका निकायलाई निर्देशन दिएको बताए ।

तपाईंको बिचार