Saturday, November 18, 2017

स्थानीय स्तरको विकास निर्माणमा जुट्दै रारा संयूक्त उपभोक्ता समाज

प्रकाशित मिति: 2017/09/24

काठमाडौं । काठमाडौंको सुकेधारामा रहेको रारा संयूक्त उपभोक्ता समाजले विजयादशमी, दीपावली, नेपाल संवत र छठ पर्वको अवसरमा आयोजना गरेको शुभकामना आदानप्रदान कार्यक्रम सम्पन्न भएको छ । कार्यक्रममा काठमाडौं महानगरपालिकाकी उपमेयर हरिप्रभा खड्गी, पूर्वप्रहरी महानिरिक्षक कुबेरसिंह राना र काठमाडौं महानगरपालिका वडा नं ४ का सदस्य धुव्र त्रिपाठी लगायत स्थानीयहरुको बाक्लो सहभागिता रहेको थियो । 

कार्यक्रमको प्रमुख अतिथि काठमाडौं महानगरपालिका उपपेयर खड्गीले यस क्षेत्रको विकास निर्माणका लागि महानगरपालिका रारा संयूक्त उपभोक्ता समाजसँग सहकार्य गर्दै काम गर्न तयार रहेको बताइन् । उनले खुल्ला र सार्वजनीक जग्गाको प्रयोगमा ल्याउन महानगरपालिका तयार रहेको उल्लेख गर्दै सो कार्यमा सहयोगका लागि समाजलाई आग्रह गरिन् । 
त्यस्तै उपभोक्ता समाजका अध्यक्ष रामहरी अधिकारीले सकारात्मक सोचका साथ काम गर्ने हो भने असम्भव भन्ने केही नरहेको भन्दै यस क्षेत्रको विकासमा लागि सबै एक भएर अघि बढ्नुपर्ने बताए । उनले सबैको साथ भए नमुनाबस्ती निर्माणका लागि दाताको भर पर्नु नपर्ने बताउदै यस क्षेत्रलाई नमूना बस्तीको रुपमा विकास गर्न समाज लागि परेको बताए । 
सोही कार्यक्रमबाट स्थानीयस्तरको सुरक्षाका लागि एक सय ५० घरधुरीलाई तत्काल सीसीक्यामेरा जडान गर्ने, आर्थिक सहजताका लागि सहकारी स्थापना गर्ने, फोहोर व्यवस्थापनका साथै मिथिला र रारा मार्गलाई पिच गर्ने पनि जनाइएको छ । त्यस्तै कार्यक्रममा समाजमा आवद्ध विद्यार्थी, समाजसेवीहरुलाई सम्मान समेत गरिएको थियो । 

 

तपाईंको बिचार