Tuesday, May 21, 2019

बारा र पर्सामा चिकित्सकको अभाव, घरबारविहीन भएकाहरुलाई गासबासको संकट :सोनल

प्रकाशित मिति: 2019/04/01

१८ चैत, जनकपुरधाम । प्रदेश २ का भौतिक पूर्वाधार तथा विकास मन्त्री जितेन्द्र सोनलले बारा र पर्साका अस्पतालहरुमा चिकित्सकको अभाव खड्किएको बताएका छन् ।

मन्त्री सोनलले भने, ‘अस्पतालमा घाइतेहरु छटपटाइरहेका छन् । यहाँ डाक्टरहरुको ठूलो अभाव खड्किएको छ, त्यसैले तत्कालै चितवनबाट हुन्छ कि काठमाडौंबाट हुन्छ, चिकित्सकहरुको टोली आइदिनुर्पयो ।’
आइतबार राति आएको आँधीहुरीका कारण बारा र पर्सामा ३१ जनाको मृत्यु हुनुका साथै ४ सयभन्दा बढी घाइते भएका छन् । मृतकको संख्या अझै बढ्ने अनुमान गरिएको छ ।
सैयौंको संख्यामा घाइतेहरुलाई कलैया र वीरगञ्जका अस्पतालहरुमा र्पुयाइएको छ । घाइतेको अवस्थाबारे जानकारी दिँदै मन्त्री सोनलले अनलाइनखबरसँग भने, ‘मृत्यु हुनेहरुको त भइहाल्यो, तर, अस्पतालहरुमा छटपटाइरहेका घाइतेको अवस्था दर्दनाक छ, गाउँमा अझै कतिपय घाइतेहरुको उद्धार हुन बाँकी छ । औषधि र चिकित्सकको ठूलो अभाव खड्किएको छ ।’

तत्कालै गर्नुपर्ने काम चिकित्सकको अभाव पूर्ति गर्नु रहेको बताउँदै मन्त्री सोनलले आँधीको चपेटामा परेर घरबार गुमाएकाहरुको खानपिन र बासका लागि सहयोगका हातहरु जरुरी रहेको बताए ।
आँधीका कारण मानिसहरुको बास छैन, प्रदेश सरकारले गर्ने निर्णय त गरियो, तर अन्यत्रबाट पनि सहयोगको हात बढाउन जरुरी छ ।’

तपाईंको बिचार