Monday, June 26, 2017  |    

उपेन्द्र र राजेन्द्रलाई इटहरी प्रवेशमा रोक

प्रकाशित मिति: 2015/11/27

गन्तव्य नेपाल न्यूज/काठमाडौँ

संयुक्त मधेशी मोर्चाले सुनसरीको इटहरीमा शुक्रवार आयोजना  गर्ने आमसभाको तयारी स्वरुप निर्माण गरिएको मञ्चमा स्थानीय बासिन्दाले आगो लगाएर तोडफोड गरेका छन् । 
इटहरीको पश्चिम लाईनमा मोर्चाको कार्यक्रम स्थलमा मञ्च तयार गरिसकेपछि नेपालमा नाकाबन्दी र व्यक्ति हत्याको प्रयास गरेर मोर्चाले नेपालीलाई दुःख दिएकाले उनीहरुलाई इटहरीमा कुनै पनि कार्यक्रम गर्न नदिने उद्घोष गर्दै युवा, विद्यार्थीहरुले मोर्चाको मञ्च तोडफोड गरेका हुन् । 
तोडफोड पश्चात इटहरी तनावग्रस्त बनेको छ । तोडफोडपछि प्रहरीले इटहरीको चोकचोकमा सुरक्षा व्यवस्था कडा बनाएको छ । मधेसी मोर्चामा आवद्ध कार्यकर्ताहरुले मञ्च तयार गरेर कुर्सी मिलाउने क्रममा कार्यक्रम स्थल प्रवेश गरेका स्थानीयले मोर्चाको मञ्चमा पेट्रोल छर्किएर आगो लगाएका छन् ।
नेपालको राष्ट्रिय अस्मितामाथि धावा बोलेर भारतको पक्षमा वकालत गरेको भन्दै स्थानीयले संघीय समाजवादी फोरम नेपालका अध्यक्ष उपेन्द्र यादव र सद्भावना अध्यक्ष राजेन्द्र महतोलाई इटहरी प्रवेशमा रोक लगाएको घोषणा गरेका छन् ।

तपाईंको बिचार