Sunday, April 30, 2017  |    

आन्तरिक विवादले कांग्रेसको चार जिल्लाको अधिवेशन हुन सकेन

प्रकाशित मिति: 2016/07/02

असार १८, काठमाडौं ।  संसद्को प्रमुख प्रतिपक्षी दल नेपाली कांग्रेसको चार जिल्ला र एक क्षेत्रको अधिवेशन अझै हुन सकेको छैन ।

१३औं महाधिवेशनमा आन्तरिक विवादका कारण सात जिल्लाको अधिवेशन हुन सकेको थिएन । गत २२ जेठमा बसेको केन्द्रीय निर्वाचन समिति बैठकले असार पहिलो हप्तासम्म महाधिवेशन सम्पन्न गर्न परिपत्र गरे पनि असारको तेस्रो हप्ता हुँदासम्म तीन जिल्लाबाहेक चार जिल्ला र एक क्षेत्रको अधिवेशन हुन नसकेको हो । अधिवेशन हुन नसकेकामा सिरहा, धनुषा, महोत्तरी, पर्सा र धनुषाको क्षेत्र नं ५ हो ।

पछिल्लोपटक अधिवेशन सम्पन्न भएका जिल्लामध्ये सिन्धुपाल्चोकमा विकास लामा, बझाङमा हर्कजङ्ग बहादुर सिंह र कञ्चनपुरमा हरिप्रसाद बोहरा निर्वा्चित भएका छन् ।

निर्वाचन अधिकृत गोपालकृष्ण घिमिरेले केन्द्रबाट सबै जिल्लामा अधिवेशन गर्न परिपत्र गरिसकिएको, जिल्लाका निर्वाचन अधिकृतले निर्वाचनको कार्यतालिका मिलाउँदै गर्दा ढिला भएको बताए ।

तपाईंको बिचार