Saturday, August 19, 2017  |    

साउन १९ गते प्रधानमन्त्री निर्वाचन हुने

प्रकाशित मिति: 2016/07/31

साउन १६, काठमाडौं  । साउन १९ गते नयाँ प्रधानमन्त्रीको लागि निर्वाचन हुने भएको छ । संसद सचिवालयले प्रधानमन्त्रीको निर्वाचन साउन १९ गते गर्ने तयारी थालेको छ । राष्ट्रपतिले सहमतीय सरकार गठनका लागि दिएको एकसाताको समय आइतवार सकिनै लाग्दा सचिवालयले बहुमतीय प्रक्रिया शुरु गर्न लागेको  हो ।  

व्यवस्थापिका संसदको बैठक सोमवार बस्दैछ । सचिवालयले राष्ट्रपति कार्यालयबाट बहुमतीय प्रक्रिया शुरु गर्न पत्र आएपछि निर्वाचन कार्यक्रम सार्वजनिक गर्नेछ । स्रोतका अनुसार साउन १८ गते मंगलवार प्रधानमन्त्री पदको उम्मेदवारी मनोनयन र फिर्ता लिने समय तोकिने छ ।

त्यस्तै १९ गते विहीवार संसदबाट प्रधानमन्त्री चयन हुने कार्यक्रम तय हुन लागेको छ । सचिवालयका प्रवक्ता डा.भरतराज गौतमले भने राष्ट्रपति कार्यालयबाट पत्र आएपछि मात्र निर्वाचन कार्यक्रम तय हुने बताए ।

कांग्रेस माओवादी गठबन्धनबाट माओवादी केन्द्रका अध्यक्ष प्रचण्ड प्रधानमन्त्री उम्मेदवार बन्ने पक्का भइसकेको छ । एमालेले कसलाई खडा गर्ने भन्ने टुंगो लागेको छैन । प्रमुख प्रतिपक्षी दलको स्थानका लागि भने पनि एमालेले उम्मेदवारी दिने स्रोतले जनाएको छ ।

केपी ओली आफैं उठ्ने कि अरु उम्मेदवार खडा गर्ने भन्नेबारे गठबन्धनमा पनि छलफल हुने एमाले स्रोतले जनाएको छ । एमालेबाट दलका उपनेता सुवास नेम्वाङलाई सम्भावित प्रतिस्पर्धीका रुपमा चर्चा गरिएको छ । । संसद सचिवालयले नयाँ प्रधानमन्त्रीको निर्वाचन साउन १९ गते गर्ने तयारी थालेको छ । राष्ट्रपतिले सहमतीय सरकार गठनका लागि दिएको एकसाताको समय आइतवार सकिनै लाग्दा सचिवालयले बहुमतीय प्रक्रिया शुरु गर्न लागेको स्रोतले जनाएको छ ।

 

तपाईंको बिचार