Sunday, November 19, 2017

अहिलेसम्म महानगरमा कुन पार्टीको कति मत

प्रकाशित मिति: 2017/05/21

काठमाडौं । पछिल्लो मत गणना परिणामअनुसार मुलुकका चार महानगरपालिका मध्ये तीन वटामा नेकपा एमाले र एउटामा नेपाली कांग्रेसका उम्मेदवार प्रष्ट अगाडि देखिएका छन् ।

काठमाडौं महानगरपालिकामा नेकपा एमालेका विद्यासुन्दर शाक्य २४ हजार ५३ मतसहित अग्रस्थानमा छन् । नेपाली कांग्रेसका राजुराज जोशीले १७ हजार ७७ मत प्राप्त गरेका छन् । त्यसैगरी विवेकशील नेपाली पार्टीकी रञ्जु दर्शनाले ९ हजार ६ सय ८८ मत प्राप्त गरेकी छन् ।

ललितपुर महानगरपालिकाको प्रमुखमा नेपाली कांग्रेसका चिरीबाबु महर्जनले १७ हजार ५ सय ६७ मतसहित अग्रता लिएका छन् । एमाले उम्मेदवार हरिकृष्ण ब्यञ्जनकारले १६ हजार २ सय ४६ मत प्राप्त गरेका छन् भने साझा पार्टीका रमेश महर्जनले १० हजार ३ सय ७४ मत पाएका छन् ।

उता, भरतपुर महानगरपालिकाको प्रमुखमा नेकपा एमालेका उम्मेदवार देवी ज्ञवालीले १८ हजार ७ सय ३७ मत प्राप्त गरेका छन् । यस्तै, नेकपा माओवादी केन्द्रकी रेणु दाहालले १७ हजार ५ सय १३ मत प्राप्त गरेकी छन् ।

यसैगरी पोखरा लेखनाथ महानगरपालिकामा पनि नेकपा एमालेका उम्मेदवार अगाडि देखिएका छन् । एमाले उम्मेदवार मानबहादुर जिसीले २२ हजार ३ सय २९ मत ल्याएका छन् भने कांग्रेस उम्मेदवार रामजी कुँवरले १९ हजार ९ सय ३ मत प्राप्त गरेका छन् ।

तपाईंको बिचार