Thursday, November 23, 2017

कांग्रेसले ११ सदस्यीय संसदीय बोर्ड गठन गर्ने

प्रकाशित मिति: 2017/10/11

काठमाडौं । नेपाली कांग्रेसको संसदीय बोर्ड गठन प्रक्रिया अन्तिम चरणमा पुगेको छ। निर्वाचनमा टिकट बाँडफाँड गर्नेसमेत जिम्मेवारी पाएको बोर्ड अहिलेसम्म गठन भएको छैन। बुधबार साँझसम्म बोर्ड गठनको तयारी भएको छ। ११ सदस्यीय बोर्डका सम्भावित नाम तय भइसकेका छन्।

बोर्डमा रामचन्द्र पौडेल पक्षलाई पाँच सदस्य दिइएको छ। भने, सभापति देउवा पक्षले चार सदस्य पाएको छ। खुमबहादुर खड्का र कृष्णप्रसाद सिटौला समूहलाई दुई सदस्य रहने गरी सदस्य बाँडफाँट भएको छ।

पौडेल समूहबाट पौडेलसहित, महामन्त्री शशांक कोइराला, कोषाध्यक्ष सीतादेवी यादव, नेता प्रकाशमान सिंह र रामशरण महतले बोर्डमा प्रतिनिधित्व गर्ने करिव निश्चित भएको छ।

देउवा समूहबाट देउवासहित विमलेन्द्र निधि, गोपालमान श्रेष्ठको नाम निश्चित भइसकेको छ। अन्य एक सदस्यमा चित्रलेखा यादव, पूर्णबहादुर खड्का वा बालकृष्ण खाँडमध्ये एकको नाम सिफारिसको तयारी छ।

खुमबहादुर खड्का र सिटौला समूहबाट भने खड्का र सिटौला स्वयंमले प्रतिनिधित्व गर्नेछन्।

तपाईंको बिचार