Thursday, November 23, 2017

बाम गठबन्धका अध्यक्षद्वय ओलीले माओवादीको र प्रचण्डले एमालेको बैठकलाई सम्वोधन गर्ने

प्रकाशित मिति: 2017/10/29

काठमाडौं । वाम गठवन्धनमार्फत् पार्टी एकताको गृहकार्य गरीरहेका एमाले र माओवादीका नेताहरुले एकअर्काको बैठकलाई सम्वोधन गर्ने तयारी गरेका छन् ।

हाल दुबै पार्टीले संयुक्त रुपमा निर्वाचन परिचालन तथा प्रचार समिति बनाउने र प्रशिक्षण चलाउने क्रम जारी छ । माओवादी केन्द्रका सचिवालयका अनुसार ‘बिभिन्न कमिटीमा संयुक्त बैठक गरी चुनाव परिचालनको काम भइरहेको छ । यसक्रममा दुबै पार्टीका नेताहरुले पनि सम्वोधन गर्ने र प्रशिक्षण दिने काम हुन्छ ।’

दुबै पार्टीका अध्यक्षले एकअर्काको बैठकलाई सम्वोधन गर्ने दिन भने टुंगो नलागेको जानकारी दिए । ‘यस्तो कुरा भइरहेको त छ तर कहिले, कहाँ, कसरी गर्ने भन्ने चाहीँ अझै फिक्स भएको छैन ।’

माओवादी निकट वाइसीएल र एमाले निकट युवा संघको संयुक्त बैठक बसेर तीन हजार सदस्यीय चुनाव प्रचार समिति हालै गठन गरेका छन् । अखिल क्रान्तिकारी र अनेरास्ववियुले पनि १५ गते संयुक्त बैठक आह्वान गरेका छन् । सो बैठकले संयुक्त निर्वाचन परिचालन तथा प्रचार समिति बनाउने र वाम गठवन्धनलाई जिताउन देशभर अभियान सञ्चालन तयारी भईरहेको जनाएका छन् । –अनलाईबाट

तपाईंको बिचार