Thursday, November 23, 2017

दोस्रो चरण निर्वाचनका लागि आज नामावली प्रकाशन र चुनाव चिह्न वितरण

प्रकाशित मिति: 2017/11/05

काठमाडौं । निर्वाचन आयोगले दोस्रो चरणमा हुने प्रदेश र प्रतिनिधिसभा निर्वाचनका उम्मेदवारहरुको अन्तिम नामावली आज प्रकाशनसँग चिह्न पनि वितरण गर्दैछ । आयोगले १६ गते दोस्रो चरणमा निर्वाचन हुने ४५ जिल्लामा उम्मेदवारी दर्ता गराएको थियो । उम्मेदवारहरूको अन्तिम नामावली प्रकाशन गर्नु अघि आज उम्मेदवारी फिर्ता लिन चाहनेलार्इ समय दिइएको छ । आयोगका अनुसार उम्मेदवारी फिर्ताका लागि आइतबार बिहान १० बजेदेखि १ बजेसम्म समय छुट्याइएको छ ।

उम्मेदवारको विरोधमा उजुरी दिन १७ गतेको समय दिएको आयोगले शनिबार मनोनपयपत्र र उजुरीउपर छानबिन गरिसकेको छ । निर्वाचन आयोगका अनुसार, उम्मेदवारका लागि अयोग्य देखिएपछि तनहुँ–२ मा स्वतन्त्र उम्मेदवारी दिएका कांग्रेस नेता गोविन्दराज जोशीको उम्मेदवारी खारेज भएको छ । जोशी सर्वोच्च अदालतबाट भ्रष्टाचार आरोपमा दोषी प्रमाणित व्यक्ति हुन् ।

आगामी मंसिर २१ गते १२८ प्रतिनिधिसभा निर्वाचन क्षेत्रका लागि हुने निर्वाचनमा १ हजार ७४२ उम्मेदवारी परेकोमा एक जनाको खारेजी भएको छ भने प्रदेशसभातर्फको २५६ निर्वाचन क्षेत्रका लागि २ हजार ९६६ जना उम्मेदवार प्रतिस्पर्धामा छन् ।

तपाईंको बिचार