Saturday, September 21, 2019

पर्यटकको आकर्षण बन्दै गोही प्रजनन केन्द्रः ७३ हजार ले गरे

प्रकाशित मिति: 2019/08/24

भदौ ७, चितवन । चितवन राष्ट्रिय निकुञ्ज भित्र रहेको गोही प्रजनन् केन्द्र आन्तरिक तथा बाह्य पर्यटकहरुका लागि आकर्षणको केन्द्र बनेको छ ।

प्रजनन केन्द्रमा गत आर्थिक बर्ष २०७५÷०७६ लाई निहालेर हेर्दा ७३ हजार ५ सय ६१ जना पर्यटकले अबलोकन गरेको देखिन्छ। चितवन राष्ट्रिय निकुञ्ज चितवनका सहायक संरक्षण अधिकृत बेद बहादुर खड्काका अनुसार प्रजनन केन्द्रमा ४४ हजार ५ सय ४४ नेपाली पर्यटकहरुले अबलोकन गर्दा २९ हजार १७ जना बिदेशि पर्यटकले अवलोकन गरेका छन् ।

सङ्कटापन्न अवस्थामा रहेको गोहीको संरक्षण गर्नका लागि निकुञ्जमा प्रजनन केन्द्र निर्माण गरिएपछि अहिले गोहीको सङ्ख्या समेत बढ्न थालेको छ । निकुञ्ज भित्र विश्वकै लोपउन्मुख घडियाल गोहीको संरक्षणका लागि स्थापना गरिएको प्रजनन केन्द्रमा अधिकांश पर्यटकको आँखा जाने गरेको छ । चितवन राष्ट्रिय निकुञ्जमा घडियाल र मगर गरी दुई प्रजातिका गोही छन् । घडियाल गोही विश्वकै दुर्लभ जीवजन्तुको सूचीमा छ ।

गोही प्रजनन केन्द्र विद्यार्थीहरुको लागि अध्ययनको केन्द्र पनि बन्दै गएको छ । प्रजनन केन्द्रले हाल सम्म चौध सय पैसठ्ठि गोहीलाई बिभिन्न नदिमा छाडिसेको छ । निकुञ्ज भित्र रहेको गोही प्रजनन केन्द्रले पछिल्लो बर्षहरुमा चितवनका नदिमा मात्र गोही छाड्ने गरेको छ ।

पहिले चितवन बाहिरका नदि कर्णाली, बबई,कोषी, कालिगण्डकी लगायतका नदिमा छाडिने गरिनथ्यो । हाल चितवन भने नारायणी र राप्तीमा मात्रै छाडिने गरिएको छ । सन् १९७८ मा प्रजनन केन्द्र स्थापना भएपछि गोहीका बच्चा हुर्काएर सन् १९८१ बाट नदीमा छाड्न थालिएको हो ।

तपाईंको बिचार