Sunday, November 17, 2019

टुरगाइड लाइसेन्स चेकिङ कार्यलाई तीव्रता

प्रकाशित मिति: 2018/11/13
काठमाडौं । टुरिष्ट गाइड एसोसिएसन अफ नेपाल (टुर्गान) सँगको सहकार्यमा पर्यटक प्रहरीले पर्यटकीय स्थलहरुमा अवैध रुपमा गाइडिङको काम गर्ने क्रम बढेपछि पछिल्लो समय पर्यटक प्रहरी र टुर्गानले संयुक्त रुपमा काठमाडौ उपत्यकाको हेरिटेज साईडमा छड्के लाइसेन्स चेकिङ कार्यलाई तीब्रता दिन थालेको छ ।
 
आज भक्तपुरमा गरिएको छड्के चेकिङ्गमा अवैध रुपमा गाइडिङ गर्ने पाँच जनालाई पर्यटक प्रहरीले नियन्त्रणमा लिई आवश्यक कार्वाहि गरि फेरि दोहोरिएर काम नगर्ने सर्तमा पर्यटक प्रहरीले छाडिदिएको हो ।
 
गन्तव्य नेपालसँग विषेश कुराकानीका क्रममा टुर्गानका अध्यक्ष तामाङले सम्पुर्ण टुरिष्ट गाइडहरुलाई टुर गाइड लाइसेन्स अनिवार्य साथमा लिई पर्यटकहरुलाई दृष्याअवलोकन गराउनहुन अनुरोध गरेका छन् । साथै सम्पुर्ण ट्राभल तथा ट्रेकिङ कम्पनीहरुलाई लाईसेन्स प्राप्त वैधानीक टुरगाइडहरु मात्र लिई नेपाल भ्रमण गर्न आएका विदेशी पर्यटकहरुलाई पर्यटकीय स्थलहरुमा दृष्यावलोकन गराउनु हुन पनि तामाङले अपिल समेत गरेका छन् ।
 
अवैध टुरगाइडिङले अन्तर्राष्ट्रिय जगतमै नेपालबारे नकारात्मक सन्देश प्रवाह हुने भन्दै अध्यक्ष तामाङले आगामी दिनमा पनि यसलाई थप सशक्त बनाई पर्यटनमा हुने अवैध कार्य निरुत्साहित पार्न आफूहरु लागि पर्ने बताए ।

तपाईंको बिचार