Saturday, November 18, 2017

एक चिन नितीको औचित्य नभएको नवनिर्वाचित अमेरिकी राष्ट्रपति ट्रम्पको भनाइ

प्रकाशित मिति: 2016/12/12

मंसिर २७, काठमाडौं । नवनिर्वाचित अमेरिकी राष्ट्रपति डोनाल्ड ट्रम्पले आफु ‘एक चीन नीति’ मा बाँधिएर नबस्ने बताएका छन् ।

फक्स न्यूजसँगको कुराकानीमा ट्रम्पले यस्तो बताएका हुन् । जसको चीनले आलोचना गर्नसक्ने जनाइएको छ ।

ट्रम्प राष्ट्रपति निर्वाचित भएपछि ताइवानकी राष्ट्रपतिसँग फोनमा वार्ता गरेका थिए । जसको चिनले आलोचना गरेको थियो ।
ट्रम्पले आफ्नो पहल चीनसँग नीति व्यापार जस्ता विषयमा केन्द्रीत हुने बताए ।
‘एक चीन नीति’ सम्झौता अनुसार अमेरिकाले ताइवानलाई चीनको एक हिस्सा मान्दै आएको छ । ट्रम्पको चिनियाँ नीतिका कारण चीन र अमेरिकाको सम्बन्धमा कटुता आउने अनुमान गर्न थालिएको छ ।

फक्स न्यूजसँगको कुराकानीमा ट्रम्पले सीआइएले रुसले अमेरिकी राष्ट्रपति चुनाव जिताउन आफ्नो मद्दत गरेको आरोपको खण्डन गरेका छन् । ट्रम्पले भने हिलारीले हारको बहाना खोजेको दाबी गरेका छन् ।

 

तपाईंको बिचार