Thursday, November 23, 2017

अमेरिकामा अज्ञात बन्दुकधारीको गोली प्रहारबाट २६ जनाको मृत्यु

प्रकाशित मिति: 2017/11/06

एजेन्सी ।  अमेरिकाको सदरल्याण्ड स्प्रिङ्गस्थित एउटा चर्चमा आइतबार बिहानको प्रार्थनाको समयमा २६ जनाको ज्यान लिने गरी ठुलो हत्याकाण्ड भएको बताइएको छ।

 यस दुर्घटनालाई पनि अमेरिकाको इतिहासको सबैभन्दा दर्दनाक नंरसहार भनिएको छ। उक्त दुर्घटनामा २६ जना मारिएका छन् भने अरु २० जना गम्भीर घाइते भएका छन्। अमेरिकाको सदरल्याण्ड स्प्रिङ्ग नामको एउटा सानो नगरमा उक्त हत्याकाण्ड भएको थियो। आइतबार बिहान एकजना अज्ञात बन्दुकधारीले अन्धाधुन्ध गोली चलाएको थियो। उक्त हत्यापछि सो बन्दुकधारीको पनि मृत्यु भएको छ। आफ्नै सवारी साधनमा उ मृत अवस्थामा भेटिएको छ। यसलाई भने प्रहरीले अनुसन्धानको विषय बनाएको छ। प्रहरीको गोली लागेर नभई उ आफै कसरी मारिन पुग्यो भनेर प्रहरीले खोजी थालेको बताइएको छ।

सदरल्याण्ड स्प्रिङ्गमा रहेको फ्रस्ट बाप्टिस्ट चर्चमा आइतबारको बिहानी प्रार्थना चलिरहँदा उक्त बन्दुकधारी प्रवेश गरेर कम्तीमा पनि २० राउण्ड गोली हानेको प्रत्यक्षदर्शीले जनाएका छन्। एकजना प्रत्यक्षदर्शीका अनुसार करिब २०÷२२ बर्षको जस्तो देखिने एकजना व्यक्तिले लगातार २० राउण्ड गोली चलाएको थियो। उसले बुलेट प्रुफ भेष्ट लगाएको पनि प्रहरीले जनाएको छ।
उक्त गोलीकाण्डमा परी ज्यान गुमाउनेमा पाँच बर्षका बालकदेखि ७२ बर्षका व्यक्तिसम्म परेका बताइएको छ। अहिलेसम्म सो व्यक्तिको पहिचान खुलेको छैन । प्रहरीले उक्त शङ्कास्पद हमलाकारीको परिचय खोजिरहेको बताएको छ। सो व्यक्तिले तीव्र गतिमा कार चलाएर भागेको थियो। प्रहरीले नै उसलाई नियन्त्रणमा लिएको बताइएको छ । प्रहरीले पछ्याइरहेको व्यक्ति आफ्नै कारमा पुगेको र पछि सोही कारमा नै मृत अवस्थामा भेटिएको छ ।

प्रहरीले घाइतेलाई हेलिकोप्टरबाट उद्वार गरी लगेको छ । आक्रमणको कारण थाहा हुन सकेको छैन । यसको अनुसन्धान सुरु भएको प्रहरीको भनाई छ । लास भेगासमा एउटा सांगीतिक कार्यक्रममा गत महिना ५९ जनाको ज्यान लिइएको नरसंहारको पाँच हप्तापछि यो दुर्घटना भएको छ । 

तपाईंको बिचार