July 3, 2022, Sunday
1:37:26 pm

Trending
  • विशेष समाचार
  • पर्यटनलाई उकास्न सलमानको कन्र्सट आयोजना गरिएको हो : मन्त्री आले
गन्तव्य नेपाल


0 प्रतिक्रिया

पर्यटनलाई उकास्न सलमानको कन्र्सट आयोजना गरिएको हो : मन्त्री आले

३ महिना अगाडि

काठमाडौं । आगामी जेठ १४ गते काठमाडौंको दशरथ रंगशालामा बलिउड अभिनेता सलमान खानले सांगीतिक प्रस्तुति दिने तयारी छ । संस्कृति, पर्यटन तथा नागरिक उड्डयन मन्त्रालयको समेत सहयोगमा इभेन्ट म्यानेजमेन्ट कम्पनी ओडीसीले द ब्याङ रिलोडेड टुर गर्न लागेको हो । मन्त्री प्रेमबहादुर आलेले सलमानसँग भिडियो संवाद गर्दै नेपालमा स्वागत गर्न आफू आतुर रहेको बताइसकेका छन् । मन्त्री आले र सलमानबीचको उक्त संवादपछि सामाजिक सञ्जालमा कतिपयले आलोचना पनि गरिरहेका छन् । नेपाली कलाकार र फिल्मलाई बेवास्ता गरेर सरकारले सलमानलाई ल्याउन लागेको भन्दै केही सेलिब्रिटी असन्तुष्ट थिए भने केही राजनीतिक समूहले त्यसको विरोध गरेका थिए । सलमान र कार्यक्रमलाई नै लिएर विरोध हुन थालेपछि मन्त्री आलेले मुख खोलेका छन् । कोरोना महामारीले थलिएको नेपालको पर्यटनलाई उकास्न सलमानको कन्सर्ट गर्न लागिएको उनले प्रष्टीकरण दिएका छन् ।

Advertisement

सगरमाथा आरोहण गर्न लागेका गायक राजु लामा र अभिनेत्री दीया पुनलाई शुभकामना दिन सोमबार मन्त्रालयमा आयोजित कार्यक्रममा मन्त्री आलेले भने, ‘कसैले चिन्ता नलिए हुन्छ । कोभिडले थलिएको पर्यटन क्षेत्रलाई सघाउन सलमानलाई नेपाल ल्याउन लागिएको हो र यसमा सरकारले सहयोग मात्र गरेको हो ।’ उनले कन्सर्टलाई लिएर भइरहेका अन्य आलोचना तर्कसंगत नभएको समेत बताए । सामाजिक सञ्जालमा सलमानसँगको संवादलाई लिएर तीव्र आलोचना भएपछि मन्त्री आलेले प्रष्टीकरण दिएका हुन् । उनले नेपाली कलाकारलाई पनि सघाउन सरकार तयार रहेको बताए । ‘नेपाली कलाकारले पनि आफूलाई चाहिएको कुरा भन्नुपर्छ । सरकार सघाउन तयार छ,’ उनले भने ।

यो खबर पढेर तपाईलाई कस्तो महसुस भयो ?
+1
0
+1
0
+1
0

Leave a Reply

Your email address will not be published.