घट्यो सुनको मूल्य

प्रकाशित मिति: 2019/10/22

५ कार्तिक, काठमाडौं । सुनको मूल्य प्रतितोला दुई सयले घटेको छ। सोमबार ७० हजार ४ सय प्रतितोलामा कारोबार भएको सुन मंगलबार २ सयले घटेर ७० हजार २ सयमा पुगेको हो। तेजाबी सुनको मूल्य प्रतितोला ६९ हजार ९ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ।

त्यसैगरी, चाँदीको मूल्य प्रतितोला ८ सय ५० रहेको छ। अन्तर्राष्ट्रिय बजारमा सुनको मूल्यमा तलमाथी हुँदा नेपाली बजारमा पनि त्यसको असर पर्छ।

अहिले अन्तर्राष्ट्रिय बजारमा प्रति औंस सुनको मूल्य १४ सय ८५ अमेरिकी डलरमा कारोबार भइरहेको छ।