Sunday, January 17, 2021

उपभोक्ता ठग्नेलाई कालोबजारीको मुद्दा लगाउन माग

प्रकाशित मिति: 2020/03/08

२५ फागुन, काठमाडौं । बजारमा अत्यवश्याक वस्तुको कृत्रिम अभाव सृजना गर्ने व्यपारीलाई कालोबजारी ऐन अन्तर्गत मुद्धा चलाउन उपभोक्ता अधिकारकर्मीहरुले माग गरेका छन । उपभोक्ता अधिकारको विषयमा लामो समयदेखि पैरवी गर्दै आएका उपभोक्ता हित संरक्षण मञ्च र उपभोक्ता अधिकार अनुसन्धान मञ्चले छुट्टाछुट्टै विज्ञाप्ति जारी गरेर यस्तो माग गरेका हुन् । अत्यवश्यक वस्तुको कालोबजारी गरेर बढी नाफा लिनेलाई जरीवाना मात्रै गर्दा झन बढी नाफा कमाउन प्रोत्साहन मिल्ने उनीहरुको दाबी छ । उपभोक्ता अधिकार अनुसन्धान मञ्चले कोरोना र यसको रोकथामका विषयमा सामाजिक सञ्जालमार्फत भएका गलत प्रचार रोक्न सरकारको ध्यानाकर्षणसमेत गराएको छ । मञ्चले ग्यास, औषधि र मास्का जस्ता वस्तुको उपलब्धताबारे सरकारले स्वेत पत्रजारी गर्नु पर्ने माग गरेको छ । उनीहरुले विशेष अधिकारसहित बजार अनुगमन संयन्त्र बनाउन पनि सरकारलाई आग्रह गरेका छन् । कालोबजार तथा केही अन्य सामाजिक अपराध तथा सजाय ऐन, २०३२ ले बजारमा कैफियत गर्नेलाई पक्राउ गर्नेसम्मको अधिकार दिन्छ ।

तपाईंको बिचार